De prins geit op zieke-bezeuk

Vastelaovend is ein fieëst veur idderein. Veur jongk en aod, veur groeat en klein. Mer toch is det neet altied vanzelfsjpraekend. Traditiegetroew geit óze prins vlak veur de vastelaovendj langs biej Linner luuj die de vastelaovendj ein werm hert toedragen, mer wovan de gezondjheid vastelaovendj viere neet (volledig) toeleut.

Kint geer emes in uch directe omgaeving dae ein kort bezeuk van Prins Patrick I a.s. zaoterdig 7 februarie erg zou kinne waarderen om zo same te klinke of ein präötje te make? Nöm den contact mit os op middels ein mailtje nao secretaris@kwekkerte.nl. Den kömptj Prins Patrick I, same mit zien gevolg, gaer langs om ein sjtökske Vastelaovendj thoes te brenge.

Helaas is 't aantal bezeukskes waat de prins kin doon waal beperkt. V'r zòlle d'r alles aan doon om euveral ein bezeukske te bringe, mer wanneer d'r té väöl aanmeldingen zeen, zou 't kinne zeen det v'r helaas neet biej ederein langs kinne gaon. Oeteraard zólle v'r dit den tiedig communiceren

Deel dit bericht: