terug
Druimentaere
Deel dit bericht:
Biodiverder
DruimentaereÓnger 't köpke 'zelfdje daag, anger tiedsjtip', wore in 't Linner Nuuts van vurrige waek twieë foto's te bewónjere. De ein van sjmörges óm 'n oer of nege mit sjoeën bleujendje cichorei, de anger vanne eigeste plantj die sjmiddigs nag noeëts van bleuje gehuuërdj leek te höbbe. Ónger de foto's loos ich det v'r oppe Maasgouw 'biodiverder' gaon. Ómdet ich in 't Linner Nuuts daen daag get sjreef euver de biodiversiteit van waat oeëts mien sjónste sjtökske Lin woor, gaajdje mich det waal. Waat aevel dae op versjillendje tieje bleujendje cichorei mit biodiversiteit van doon haet óntging mich aeve. Ich zów 't geweun 'plantjkunde' of 'botanie' numme.
Oppe websjtek vanne Maasgouw loos ich det de gemèndje 't 'biodiverdere' ónger angere bedrief door 't aanlègke van bloomrieke berm, krujerieke graasveljer en duurzaam greunbehieër. 't Zeen wäörd vanne wèthaojer mit de toepasselike naam 'Blome' dae biodiversiteit inne portefeuille haet.
Gister reej ich van Remunj euver de Riekswaeg nao hoes en ómdet 't nagal drök oppe waeg woor, sjoot 't mer neet op. 't Goof mich alle tied óm de berm tösse riewaeg en fietspaad te bekieke. Vanaaf de brök euver de Roer toet wo vreuger 't sjpaor vanne Feeter de Riekswaeg euversjtook, zoog ich allein mer berm die, riekelik bezejdj mit 'n versjeienheid aan blome, lete zeen waat mit biodiversiteit bedoeldj wurtj.
Wie anges loge de berm d'rbie wie ich aan 't bördje 'welkóm inne gemèndje Maasgouw' naeve woor. De berm wore vakkundig gemillimaeterdj; 't bietje graas det d'r nag sjtóng krieg d'r vanne gemèndje alle ruumdje óm zich óngesjtuuërdj te 'biodiverdere'. Hie en dae, en veural róndj get päöl wo de mejjer neet bie kós, kriege 'n paar bleumkes nag 'n kenske baove 't graas oet te kómme. Inne Vieësjtraot zoog ich allein mer perke wo zorgvuldig gekortwiekdje buxus, buxus en buxusse alle ruumdje kriege óm te 'biodiverdere'. 'n Nag sjónder veurbeeldj van 't Maasgouwse 'biodiverdere' koom ich taege wie ich vanoet 't Kèrksjträötje de Waerd inleep. De 'ne maeter tachtig breie sjtoep woor bekans toet oppe waeg 'gebiodiverdertj' door brandjnetele, netele en nag mer 'ns get brandjnetele. Maasgouw geit 'biodiverder'. In mien eige wäörd: 'gebiodivernäöktj' waere wo se bie sjtuis.
Allè,
Jan Sjure,
reagere: jan.sjure@druimentaere.nl
Oppe websjtek vanne Maasgouw loos ich det de gemèndje 't 'biodiverdere' ónger angere bedrief door 't aanlègke van bloomrieke berm, krujerieke graasveljer en duurzaam greunbehieër. 't Zeen wäörd vanne wèthaojer mit de toepasselike naam 'Blome' dae biodiversiteit inne portefeuille haet.
Gister reej ich van Remunj euver de Riekswaeg nao hoes en ómdet 't nagal drök oppe waeg woor, sjoot 't mer neet op. 't Goof mich alle tied óm de berm tösse riewaeg en fietspaad te bekieke. Vanaaf de brök euver de Roer toet wo vreuger 't sjpaor vanne Feeter de Riekswaeg euversjtook, zoog ich allein mer berm die, riekelik bezejdj mit 'n versjeienheid aan blome, lete zeen waat mit biodiversiteit bedoeldj wurtj.
Wie anges loge de berm d'rbie wie ich aan 't bördje 'welkóm inne gemèndje Maasgouw' naeve woor. De berm wore vakkundig gemillimaeterdj; 't bietje graas det d'r nag sjtóng krieg d'r vanne gemèndje alle ruumdje óm zich óngesjtuuërdj te 'biodiverdere'. Hie en dae, en veural róndj get päöl wo de mejjer neet bie kós, kriege 'n paar bleumkes nag 'n kenske baove 't graas oet te kómme. Inne Vieësjtraot zoog ich allein mer perke wo zorgvuldig gekortwiekdje buxus, buxus en buxusse alle ruumdje kriege óm te 'biodiverdere'. 'n Nag sjónder veurbeeldj van 't Maasgouwse 'biodiverdere' koom ich taege wie ich vanoet 't Kèrksjträötje de Waerd inleep. De 'ne maeter tachtig breie sjtoep woor bekans toet oppe waeg 'gebiodiverdertj' door brandjnetele, netele en nag mer 'ns get brandjnetele. Maasgouw geit 'biodiverder'. In mien eige wäörd: 'gebiodivernäöktj' waere wo se bie sjtuis.
Allè,
Jan Sjure,
reagere: jan.sjure@druimentaere.nl
Deel dit bericht: