terug
Druimentaere
Deel dit bericht:
B?s se d'r bie?
DruimentaereBlajerendj door 't Waekblaad det goonsdig door de brevebös litsjdje, bleef ich hange bie 'ne richtingaanwiezer dae oppe vaste bladzie vanne Maasgouw sjtóng. 'Maasgouw 2040' op 't bäöveste bördje; oetnuuëdiging d'rónger en 't ungelste vroog mich of ich d'r bie woor. Druimentaere zoog ich det lèste waal zitte en leet mien gries celle de vrieje luip nao 2040 wo ich get ieëste sjtepkes zèt oppe dörpel van 't 90 waere. Mit get erfelik materiaal van mien moder die dizze maondj 105 wurtj, zów det zoeëmer 'ns kónne lökke.
Oeëts wórt ich vader wie ich dertig woor, groeëtvader op mien 61ste en, waem zal 't zègke, zów ich in 2040 zoeëmer euvergroeëtvader kónne waere. Zów ich nag inne sjtraot wone wo ich oeëts 'ns bón gebaore en opgegreujdj? Zów ich nag op eige krach kónne loupe of achter 'ne elektrische rollator euver dae negentigste dörpel mótte sjravele? Zów ich taege daen tied mien riebewies veur de derdje keer höbbe wete te verlinge of zów det neet mieër nuuëdig zeen in miene óngertösse gans zelfsjtenjig riejendje auto. Zówwe mien oeëre nag 'n bietje redelik kónne huuëre en zoeë neet, zal ich nag genóg haor höbbe óm eventueel huuërapparaatjes te bedèkke?
Ich kóm allewiel nagal 'ns gaer op Merteshaof óm 'n pötje te jeu-de-boule. Zów mich det in 2040 nag ummer good aafgaon of mich 't hieël sjpeul es bewoner van Merteshaof allein nag op aafsjtandj kónne bekieke. Wo gaon de Kwekkerte in det jaor häör 8 x 11ste jubileum viere en gaon ze den 'n prinses oetrope die, waem wètj, noe nag es Linder maedje oppe basissjoeël zitj? Zów d'r op zaoterdigaovendj nag altied 'n mès zeen of is de kèrk óngertösse gemeinsjapshoes gewaore en luuëtj zich dao dae eigeste zaoterdigaovendj 'n repeterendje Lentekrans huuëre?
Wie zów 't Lins klinke det den gekaldj wurtj door de jeug die noe nag de toekóms haet? Zów dit Linner Nuuts nag idder waek oetkómme en zów ich dao nag idder waek dizze druimentaere in kónne sjrieve? Es det 't geval zów zeen, gaef ich uch op zaoterdig 16 juni 2040, euver 16 jaor van noe, in de 832ste druimentaere antjwaord op al die vraoge. Op die ein vraog vanne gemèndje Maasgouw of ich d'r in 2040 bie bön, höb ich aevel noe al 'n antjwaord klaor: "gans gaer es godbleef".
Allè,
Jan Sjure,
reagere: jan.sjure@druimentaere.nl
Oeëts wórt ich vader wie ich dertig woor, groeëtvader op mien 61ste en, waem zal 't zègke, zów ich in 2040 zoeëmer euvergroeëtvader kónne waere. Zów ich nag inne sjtraot wone wo ich oeëts 'ns bón gebaore en opgegreujdj? Zów ich nag op eige krach kónne loupe of achter 'ne elektrische rollator euver dae negentigste dörpel mótte sjravele? Zów ich taege daen tied mien riebewies veur de derdje keer höbbe wete te verlinge of zów det neet mieër nuuëdig zeen in miene óngertösse gans zelfsjtenjig riejendje auto. Zówwe mien oeëre nag 'n bietje redelik kónne huuëre en zoeë neet, zal ich nag genóg haor höbbe óm eventueel huuërapparaatjes te bedèkke?
Ich kóm allewiel nagal 'ns gaer op Merteshaof óm 'n pötje te jeu-de-boule. Zów mich det in 2040 nag ummer good aafgaon of mich 't hieël sjpeul es bewoner van Merteshaof allein nag op aafsjtandj kónne bekieke. Wo gaon de Kwekkerte in det jaor häör 8 x 11ste jubileum viere en gaon ze den 'n prinses oetrope die, waem wètj, noe nag es Linder maedje oppe basissjoeël zitj? Zów d'r op zaoterdigaovendj nag altied 'n mès zeen of is de kèrk óngertösse gemeinsjapshoes gewaore en luuëtj zich dao dae eigeste zaoterdigaovendj 'n repeterendje Lentekrans huuëre?
Wie zów 't Lins klinke det den gekaldj wurtj door de jeug die noe nag de toekóms haet? Zów dit Linner Nuuts nag idder waek oetkómme en zów ich dao nag idder waek dizze druimentaere in kónne sjrieve? Es det 't geval zów zeen, gaef ich uch op zaoterdig 16 juni 2040, euver 16 jaor van noe, in de 832ste druimentaere antjwaord op al die vraoge. Op die ein vraog vanne gemèndje Maasgouw of ich d'r in 2040 bie bön, höb ich aevel noe al 'n antjwaord klaor: "gans gaer es godbleef".
Allè,
Jan Sjure,
reagere: jan.sjure@druimentaere.nl
Deel dit bericht: