terug
Druimentaere
Deel dit bericht:
De geit en 't moos
DruimentaereZoeë noe en den is 't henjig 'n sjpraekwäörd te höbbe óm get dudelik te make zónger d'r wiejer, óm d'r mer 'ns ein te gebroeke, väöl wäörd aan voel te make. Wie ich aafgeloupe waek 't Linner Nuuts loos, koom ich 'n berich vanne gemèndje taege: 't wurtj weer kaojer, dus gezellig de aope haard of de kachel aan? Digitaal wiejer blajerendj koom ich oet op 'n door de eigeste gemèndje aafgegaeve vergunning veur 't sjtaoke van vuur oppe parkeerplaats naeve 't zjwumbad op 11 november, 't sintermertesvuur zègk mer.
Ich mós aan 't sjpraekwaord van de geit en 't moos dinke. 't Kin twieëerlei gebroektj waere. Bie 'de geit en 't moos sjpare', wurtj 'n oplossing bedach die alle partieje tevreje hèltj; mit 'doe kins neet de geit en 't moos sjpare', wurtj bedoeldj det se, wie pienlik ouch, keuzes mós make. Vanne eine kantj informeertj de gemèndje häör inwoners euver wie milieubewusj óm te gaon mit gezellig vuurke sjtaoke. V'r waere gevraogdj neet te sjtaoke es 't windjsjtil of mistig is, allein sjoeën en druuëg hout inne hens te sjtaeke en kriege oetgelagdj waat veur hout zeker neet gebroektj moog waere. Zoeë bekeke vinj ich 't op zich zaochs gezag 'n bietje vraemdj det door die eigeste gemèndje 'n vergunning wurtj aafgegaeve óm vuurke te sjtaoke op 'ne aovendj det 't zoeëmer windjstil of mistig kin zeen of flink geraegendj kin höbbe en 't hout oppe brandjsjtapel neet ech druuëg mieër is.
Taege sintermerte woor ich es boeksebäömke oere bezig mit 't oetholle van 'n krot, d'r ouge, 'n naas en 'ne móndj oet te sjnieje en keek d'r haer oet óm d'r, mit 'n branjendje kaes d'r in, op sintermertesaovendj nao 't vuur te gaon kieke. Mer tieje verangere en ós klimaat sjientj nag rotter es kaaf te zeen. Wo alle euverheje in ós lendje en wied daoboete al op al probere te zètte óm dao get aan te doon, wurtj oppe Maasgouw 'de geit en 't moos gesjpaardj'. Meh mesjien zeen ich 't get te zjwart-wit en vèltj de milieusjaaj van 't sintermertesvuur waal mit. En laot ós dao noe ouch 'n sjoeën sjpraekwaord veur höbbe: 't sop is 't moos neet waerd.
Allè,
Jan Sjure,
reagere: jan.sjure@druimentaere.nl
Ich mós aan 't sjpraekwaord van de geit en 't moos dinke. 't Kin twieëerlei gebroektj waere. Bie 'de geit en 't moos sjpare', wurtj 'n oplossing bedach die alle partieje tevreje hèltj; mit 'doe kins neet de geit en 't moos sjpare', wurtj bedoeldj det se, wie pienlik ouch, keuzes mós make. Vanne eine kantj informeertj de gemèndje häör inwoners euver wie milieubewusj óm te gaon mit gezellig vuurke sjtaoke. V'r waere gevraogdj neet te sjtaoke es 't windjsjtil of mistig is, allein sjoeën en druuëg hout inne hens te sjtaeke en kriege oetgelagdj waat veur hout zeker neet gebroektj moog waere. Zoeë bekeke vinj ich 't op zich zaochs gezag 'n bietje vraemdj det door die eigeste gemèndje 'n vergunning wurtj aafgegaeve óm vuurke te sjtaoke op 'ne aovendj det 't zoeëmer windjstil of mistig kin zeen of flink geraegendj kin höbbe en 't hout oppe brandjsjtapel neet ech druuëg mieër is.
Taege sintermerte woor ich es boeksebäömke oere bezig mit 't oetholle van 'n krot, d'r ouge, 'n naas en 'ne móndj oet te sjnieje en keek d'r haer oet óm d'r, mit 'n branjendje kaes d'r in, op sintermertesaovendj nao 't vuur te gaon kieke. Mer tieje verangere en ós klimaat sjientj nag rotter es kaaf te zeen. Wo alle euverheje in ós lendje en wied daoboete al op al probere te zètte óm dao get aan te doon, wurtj oppe Maasgouw 'de geit en 't moos gesjpaardj'. Meh mesjien zeen ich 't get te zjwart-wit en vèltj de milieusjaaj van 't sintermertesvuur waal mit. En laot ós dao noe ouch 'n sjoeën sjpraekwaord veur höbbe: 't sop is 't moos neet waerd.
Allè,
Jan Sjure,
reagere: jan.sjure@druimentaere.nl
Deel dit bericht: