terug
Druimentaere
Deel dit bericht:
Dictere
DruimentaereÓmdet de 'p' waal en de 'r' neet 't 'kofschip' sjtuit, kriegtj 'geappt' 'n 't' aan 't inj en 'getwitterd' 'n 'd'. Ómdet v'r die twieë wäörd ouch in Lin gebroeke mer ze hie net get anges oetsjpraeke, plekke v'r d'r 'n 'j' achter: 'geapptj' en 'getwitterdj'. V'r 'appe' nag sjteeds meh 'twittere' is 'x'e' gewaore. En zoeë hej Wim Daniëls de wäördjes 'getwitterd' en 'ge-x't' vurrig jaor opgenómme in ein vanne zinne in 't Groeët Dictee vanne Nederlandse Taal. Hae kreeg mich d'r in idder geval de boeët mit in. Wiezoeë mien 'ge-xt' fout wórt geraekendj, haet mich aevel toet oppen daag van vandaag nemes ech kónne verduutsje
D'r is 'n regelke det es aafkortinge in voltoeëjdje deilwäörd letter veur letter waere oetgesjpraoke, d'r tösse 'ge' en de 'aafkorting' 'n sjtreepke kump en veur de aafsjloetendje 't' of 'd' 'n aposjtröfke. Zoeë höbs se emes 'ge-sms'tj' of get 'ge-pdf 'tj'. Doe kins 't 'm ouch geweun 'gescandj' en 'gemaildj' höbbe'. Ómdet 'X' ('t vreugere twitter) gein aafkorting is, en ich ouch 'gemixtj' en 'gefaxtj' moog sjrieve, vónj ich det mien 'ge-xt' 'n baeter lot verdeendj hej. Op 'woordenlijst.org' vinj ich den waal 't wie van 'ge-x't' mer van 't woróm blief ich versjtaoke. D'r zeen d'r mich nag 'n paar biegebleve. Beveurbeeldj wiezoeë de 'Jan' in 'Jan en alleman' mit hoofletter gesjreve wurtj en 't 'Jantje' in 'jantje-van-leiden' klein wurtj gesjreve? Zòw 'Jan oet Delft' zich d'r ouch zoeë van aaf kónne make?
Noe 't d'r op aan geit, höb ich mien dictee van vurrig jaor nag 'ns bekeke. Ich hej vieërtieën foute in 'n gooj 'twieë-en-'n-halfhóngerd' wäörd. Lanjelik gezeen neet sjlech es ich 't mich good herinner. Vandaag höb ich de kans óm mich te verbaetere, revanche te numme op Wim Daniëls dae ouch dit jaor de teks inein haet gefiespernuldj. Óm èlf oer sjtuit miene radio aafgesjtumdj op Radio 1 en telefoons en deurbel oet. Den doon ich veur de 'god-wètj-wieväölste' kieër mit aan 't Groot Dictee der Nederlandse Taal. En nao aafloup laot ich mich weer gaer verrasse womit Wim mich dit jaor weer haet probere oet te dage.
Allè,
Jan Sjure,
reagere: jan.sjure@druimentaere.nl
D'r is 'n regelke det es aafkortinge in voltoeëjdje deilwäörd letter veur letter waere oetgesjpraoke, d'r tösse 'ge' en de 'aafkorting' 'n sjtreepke kump en veur de aafsjloetendje 't' of 'd' 'n aposjtröfke. Zoeë höbs se emes 'ge-sms'tj' of get 'ge-pdf 'tj'. Doe kins 't 'm ouch geweun 'gescandj' en 'gemaildj' höbbe'. Ómdet 'X' ('t vreugere twitter) gein aafkorting is, en ich ouch 'gemixtj' en 'gefaxtj' moog sjrieve, vónj ich det mien 'ge-xt' 'n baeter lot verdeendj hej. Op 'woordenlijst.org' vinj ich den waal 't wie van 'ge-x't' mer van 't woróm blief ich versjtaoke. D'r zeen d'r mich nag 'n paar biegebleve. Beveurbeeldj wiezoeë de 'Jan' in 'Jan en alleman' mit hoofletter gesjreve wurtj en 't 'Jantje' in 'jantje-van-leiden' klein wurtj gesjreve? Zòw 'Jan oet Delft' zich d'r ouch zoeë van aaf kónne make?
Noe 't d'r op aan geit, höb ich mien dictee van vurrig jaor nag 'ns bekeke. Ich hej vieërtieën foute in 'n gooj 'twieë-en-'n-halfhóngerd' wäörd. Lanjelik gezeen neet sjlech es ich 't mich good herinner. Vandaag höb ich de kans óm mich te verbaetere, revanche te numme op Wim Daniëls dae ouch dit jaor de teks inein haet gefiespernuldj. Óm èlf oer sjtuit miene radio aafgesjtumdj op Radio 1 en telefoons en deurbel oet. Den doon ich veur de 'god-wètj-wieväölste' kieër mit aan 't Groot Dictee der Nederlandse Taal. En nao aafloup laot ich mich weer gaer verrasse womit Wim mich dit jaor weer haet probere oet te dage.
Allè,
Jan Sjure,
reagere: jan.sjure@druimentaere.nl
Deel dit bericht: