terug
Druimentaere
Deel dit bericht:
Drie B's
Druimentaere't Is nag volop aan 't zomere en eigelik nag 'n bietje vreug óm ane vastelaovendj te dinke. Vanne waek aevel wórt ich d'r aan herinnerdj door 'n klein sjtökske inne gezèt. Bekans gans Limburg en Braobantj sjtónge aafgeloupe februari oppe kop ómdet 't ministerie de doorsjtruimtoetse veur 't basisóngerwies inne vastelaoveswaek hej ingeplandj en de viering van ós volksfieës daomit inne knel zów kinne kómme. In d'n Haag höbbe ze d'r bliekbaar neet väöl van gelieërdj. Boeie det 't zuje volgendj jaor van 1 toet 3 mieërt oppe kop sjtuit. D'r sjtuit gèn waord euver in ós nuuj akkaord mit hoofliene en de lanjelik vasgelagdje veurjaorsvakantie en zoeë vèltj volgendj jaor neet same mit de vastelaovendj.
Inne gezèt wórt ich op 'n verkieërd bein gezatj door 't köpke 'BBB oppe bres veur vakantie carnaval'. Waat haoltj de BBB, ós Brand Boetegewuuën Boetezitting, zich noe weer oppe hals bedach ich mich. Ergere ze d'r zich inne zoepkoel aan det d'r idder jaor mieër Limburgers op wintjersjport gaon? Waere inne zoepkoel skipistes aangelagdj? Kump skilieëraar Rudi de Boetezitting äöpene mit "heeeeeej, bieeeertje? Kriege v'r 'ne après-ski mit ós eige drie B's, Big Benny en Beppie?
Meh nieks van det alles, 't góng allemaol euver Caroline vanne BBB die zich aafvroog of de minister van óngerwies überhaupt oppe huuëgdje woor van 't massaal sjaggernere vanne óngerkantj van ós landj det ós kinjer op Rosenmontag weer nao sjoeël mótte. Sjtèlt uch 'ns veur, terwiel de optoch door Remunj trèktj mótte godwètjwieväöl aojers de kinjer van sjoeël haole. Neet ech gek dat Caroline dao euver begintj te näöle. Ze is gebaore in 't Braobantse Cuijk ('Kuuk' zègke ze dao) en in 't riek vanne Nöllers (hie zówwe v'r 'Näölers' zègke) is opgegreujdj. Ze haet häör aandach versjaove van 'blief van ós boere aaf' en 'aete van en oet eige gróndj' nao 'loestere nao signale oet eige regio' en 'waardere van ós cultureel erfgoed'. Good bezig Caroline dink ich den. Van mich moog ze volgendj jaor op 1 mieërt mit häör hieël BBB de BBB kómme äöpene.
Allè,
Jan Sjure,
reagere: jan.sjure@druimentaere.nl
Inne gezèt wórt ich op 'n verkieërd bein gezatj door 't köpke 'BBB oppe bres veur vakantie carnaval'. Waat haoltj de BBB, ós Brand Boetegewuuën Boetezitting, zich noe weer oppe hals bedach ich mich. Ergere ze d'r zich inne zoepkoel aan det d'r idder jaor mieër Limburgers op wintjersjport gaon? Waere inne zoepkoel skipistes aangelagdj? Kump skilieëraar Rudi de Boetezitting äöpene mit "heeeeeej, bieeeertje? Kriege v'r 'ne après-ski mit ós eige drie B's, Big Benny en Beppie?
Meh nieks van det alles, 't góng allemaol euver Caroline vanne BBB die zich aafvroog of de minister van óngerwies überhaupt oppe huuëgdje woor van 't massaal sjaggernere vanne óngerkantj van ós landj det ós kinjer op Rosenmontag weer nao sjoeël mótte. Sjtèlt uch 'ns veur, terwiel de optoch door Remunj trèktj mótte godwètjwieväöl aojers de kinjer van sjoeël haole. Neet ech gek dat Caroline dao euver begintj te näöle. Ze is gebaore in 't Braobantse Cuijk ('Kuuk' zègke ze dao) en in 't riek vanne Nöllers (hie zówwe v'r 'Näölers' zègke) is opgegreujdj. Ze haet häör aandach versjaove van 'blief van ós boere aaf' en 'aete van en oet eige gróndj' nao 'loestere nao signale oet eige regio' en 'waardere van ós cultureel erfgoed'. Good bezig Caroline dink ich den. Van mich moog ze volgendj jaor op 1 mieërt mit häör hieël BBB de BBB kómme äöpene.
Allè,
Jan Sjure,
reagere: jan.sjure@druimentaere.nl
Deel dit bericht: