terug
Druimentaere
Deel dit bericht:
Jäön
DruimentaereWaat 'n hieërlik arikel inne gezèt ieëgister. 'ne Mysterieuze actiegroep dae zich PLAT numtj is zich aan 't oetlaeve in de 12 Limburgse gemèndjes die nag gèn twieëtalige plaatsnaamborde höbbe. Ónger de officiële naam van alle kerne in die 12 gemèndjes wurtj de Limburgse naam geplektj. De versjlaaggaefster vroog zich in dit artikel aaf waem de actieveurders zeen die achter dit fantastisch initiatief sjtaeke. Ze houwdje aevel op 'ne aos; 0ppe websjtek van PLAT sjtaon tekste in 't Remuunjs, Mesjtreechs, Venloos en Wèssems. Ze móch de actieveurders interviewe mer allein ónger de veurwaarde det ze anoniem zówwe blieve.
't Sjoeëne aan ós versjeienheid aan plaatselike dialecte is det se zoeë óngevieër kóns achterhaole wo emes vanaaf kump. Die oetdaging wól ich neet laote ligke en de plekkers ómsjreve zich es 'batteraove', 'badjes' (ich zów det mit 'n 't' sjrieve) en 'jäön', allemaol Limburgse synonieme veur 'kwajongens'. 'Batjes' wurtj bienao euveral in Limburg gebroektj. Ómdet v'r hie 'batrave' zègke, veel Lin, net wie godwètjwieväöl anger plaatse aaf. In mien bekans 80 lokaal waordebeuk koom ich 'batteraof' allein in Mesjtreech taege; dao vónj ich aevel gèn 'jäön'. Ich hej 't waord nag noeëts gehuuërdj en vónj 't allein in 't waordebook van Valkeberg veur 'däögenete' of 'kwoeëjónge'. Meh laote ze dao noe ouch 'batterave' zègke. Alles op 'n rieke gezatj, zów ich zègke det die batjes van örges dao inne buurt mótte kómme.
Oppe websjtek van PLAT koom ich get beplekdje borde in Leudal taege. Ich zoog de buuj al hange en 't kómmendj gesjtechel al aan kómme. Ónger Heythuysen wórt gans good 'Heytse' geplektj. Dao zal Heemkundevereniging 'Heitse' die vurrig jaor 't 'Heitser' waordebook oetbrach op z'n zaochs gezag neet ech blie mit zeen. Op de borde van Baexem sjtóng 'Baoksem' wo 't lokaal waordebeukske 'Boaksum' veursjrief en ich 'Baoxem' zów sjrieve. Worom de 'h' in 'Gratem' neet is blieve sjtaon is mich 'n raodsel. Waem bön ich óm dao van oppe Maasgouw get euver te sjrieve. Hie kóm ich 'Genoea', 'Oeëzje' en 'Thoear' taege, drie kieër dezelfdje klank, twieë kieër anges gesjreve. V'r zówwe pas echte 'jäön' zeen es v'r bie ós 'ns zówwe gaon plekke.
Allè,
Jan Sjure,
reagere: jan.sjure@druimentaere.nl
't Sjoeëne aan ós versjeienheid aan plaatselike dialecte is det se zoeë óngevieër kóns achterhaole wo emes vanaaf kump. Die oetdaging wól ich neet laote ligke en de plekkers ómsjreve zich es 'batteraove', 'badjes' (ich zów det mit 'n 't' sjrieve) en 'jäön', allemaol Limburgse synonieme veur 'kwajongens'. 'Batjes' wurtj bienao euveral in Limburg gebroektj. Ómdet v'r hie 'batrave' zègke, veel Lin, net wie godwètjwieväöl anger plaatse aaf. In mien bekans 80 lokaal waordebeuk koom ich 'batteraof' allein in Mesjtreech taege; dao vónj ich aevel gèn 'jäön'. Ich hej 't waord nag noeëts gehuuërdj en vónj 't allein in 't waordebook van Valkeberg veur 'däögenete' of 'kwoeëjónge'. Meh laote ze dao noe ouch 'batterave' zègke. Alles op 'n rieke gezatj, zów ich zègke det die batjes van örges dao inne buurt mótte kómme.
Oppe websjtek van PLAT koom ich get beplekdje borde in Leudal taege. Ich zoog de buuj al hange en 't kómmendj gesjtechel al aan kómme. Ónger Heythuysen wórt gans good 'Heytse' geplektj. Dao zal Heemkundevereniging 'Heitse' die vurrig jaor 't 'Heitser' waordebook oetbrach op z'n zaochs gezag neet ech blie mit zeen. Op de borde van Baexem sjtóng 'Baoksem' wo 't lokaal waordebeukske 'Boaksum' veursjrief en ich 'Baoxem' zów sjrieve. Worom de 'h' in 'Gratem' neet is blieve sjtaon is mich 'n raodsel. Waem bön ich óm dao van oppe Maasgouw get euver te sjrieve. Hie kóm ich 'Genoea', 'Oeëzje' en 'Thoear' taege, drie kieër dezelfdje klank, twieë kieër anges gesjreve. V'r zówwe pas echte 'jäön' zeen es v'r bie ós 'ns zówwe gaon plekke.
Allè,
Jan Sjure,
reagere: jan.sjure@druimentaere.nl
Deel dit bericht: