terug
Druimentaere
Deel dit bericht:
K?mk?mmerte
DruimentaereIch tróf 'm 'n gooj twieë jaor geleje op 'ne sjoeëne lentedaag óm 'n oer of twieë sjmiddigs. Hae mós toch in Remuunj zeen en ómdet v'r ós al 'ne tied allein nag mer via e-pos contac hejje gehadj, wore v'r 't gaw ins óm d'r ós dao 'ne te gaon drinke. Hae koom mit de trein oet Mesjtreech, ich mit de fiets oet Lin. Al gaw zote v'r op ein vanne goodgevuldje terrasse op 't Munsterplein achter 'n zorgvuljig oetgezóch sjpeciaal glaas beer. Uiteraard góng 't euver ós Limburgse taal en wie v'r d'r 'n oer of zeve genóg achtereuver hejje gewèrktj, wore v'r blie det v'r good en waal weer op 't sjtatieplein sjtónge en ich nag bliejer neet op 'ne taxi nao Lin te hove wachte.
't Is alweer bekans twintjig jaor geleje det ich inne gezèt 'ne column sjreef mit es titel 'd'r Kupers' euver de van Neel gebäörtige Wim Kuipers. Die eigeste twintjig jaor geleje misdje ich al 'n jaor ziene 'Letterbak', 'n waekelikse rubriek in de zaoterdigbielage euver taalkwesties en de Limburgse taal. Gelökkig zeen d'r twieë beuk oetgebrach allebei ónger de titel 'Letterbak'1,2. Ich pak ze mich gaer oppertied nag 'ns inne henj. D'r Wim versjtuit 't es gènne angere te knotere zónger knoterieër te zeen. Sjtraevele zitj bie häöm neet in 't blood mer inne ink en sjtechele, sjaggernere en vreigele zeen bie häöm toet kuns verheve.
Dis waek sjtóng d'r Kupers in vol ornaat nag 'ns inne gezèt. Noe 'ns neet ómdet d'r get gesjreve hej, mer ómdet hae veur zien hieël oeuvre get vaere inne vot gesjtaoke kreeg mit 'n beukske in de Nachtegaalreeks vanne literatuurcommissie van 't Limburgs Gesjied- en Aodheidkundig Genoeëtsjap. 't Kreeg es titel 'kalle mit de kómkómmere' mit.
Óm inne sjtiel van Kupers te blieve, kós ich 't neet laote óm ouch hie te neutele. In Lin zègke v'r ein kómkómmer en twieë kómkómmerte. Ómdet Neel gèn waordebook haet, mós ich inne buurt gaon zeumere. In Remunj vónj ich kómkómmers es mieërvoud en in Zjwame vónj ich d'r zoeëgaar drie: kómkómmers, kómkómmmerte en k'rdju ouch kómkómmere. En mit det lèste wórte de puuët ónger mien geneutel gezaegdj.
Allè,
Jan Sjure,
reagere: jan.sjure@druimentaere.nl
1. Kuipers W. Letterbak: taalkwesties & Limburgs dialect. Heerlen, MultiCopy 1988.
2. Kuipers W. Letterbak: moeles van de sjalevaeger. Maastricht, Uitgeverij TIC 1999.
't Is alweer bekans twintjig jaor geleje det ich inne gezèt 'ne column sjreef mit es titel 'd'r Kupers' euver de van Neel gebäörtige Wim Kuipers. Die eigeste twintjig jaor geleje misdje ich al 'n jaor ziene 'Letterbak', 'n waekelikse rubriek in de zaoterdigbielage euver taalkwesties en de Limburgse taal. Gelökkig zeen d'r twieë beuk oetgebrach allebei ónger de titel 'Letterbak'1,2. Ich pak ze mich gaer oppertied nag 'ns inne henj. D'r Wim versjtuit 't es gènne angere te knotere zónger knoterieër te zeen. Sjtraevele zitj bie häöm neet in 't blood mer inne ink en sjtechele, sjaggernere en vreigele zeen bie häöm toet kuns verheve.
Dis waek sjtóng d'r Kupers in vol ornaat nag 'ns inne gezèt. Noe 'ns neet ómdet d'r get gesjreve hej, mer ómdet hae veur zien hieël oeuvre get vaere inne vot gesjtaoke kreeg mit 'n beukske in de Nachtegaalreeks vanne literatuurcommissie van 't Limburgs Gesjied- en Aodheidkundig Genoeëtsjap. 't Kreeg es titel 'kalle mit de kómkómmere' mit.
Óm inne sjtiel van Kupers te blieve, kós ich 't neet laote óm ouch hie te neutele. In Lin zègke v'r ein kómkómmer en twieë kómkómmerte. Ómdet Neel gèn waordebook haet, mós ich inne buurt gaon zeumere. In Remunj vónj ich kómkómmers es mieërvoud en in Zjwame vónj ich d'r zoeëgaar drie: kómkómmers, kómkómmmerte en k'rdju ouch kómkómmere. En mit det lèste wórte de puuët ónger mien geneutel gezaegdj.
Allè,
Jan Sjure,
reagere: jan.sjure@druimentaere.nl
1. Kuipers W. Letterbak: taalkwesties & Limburgs dialect. Heerlen, MultiCopy 1988.
2. Kuipers W. Letterbak: moeles van de sjalevaeger. Maastricht, Uitgeverij TIC 1999.
Deel dit bericht: