terug
Druimentaere
Deel dit bericht:
Roebelboemel
Druimentaere'n Taal die verangertj laeftj en bie det verangere huuëre natuurlik nuuj wäörd. Es ich kiek nao 't Nederlands, vèltj det döks zjwaor taege. Waat numme v'r ós mekkelik wäörd oet 't Ingels inne móndj zónger 'ns nao te dinke of v'r dao gèn in ós taal väöl sjónder waord veur zówwe kónne verzinne en gebroeke. Meh óndanks det zuus se zoeë noe en den nag juweelkes van wäörd versjiene. Zoeë loos en huuërdje ich diswaek 'n paar keer 't waord 'hittedoden' naeve kómme. Es leefhöbber van 't Limburgs probeer ich bie zoeë'n waord óm dao 'ne ós taal eige drej aan te gaeve. Veur 'hitte' höbbe v't hie 't prachtige 'hèts' en zègk noe zelf, 'hètsdoeëje' is aeve erg mer bektj toch net get lekkerder.
Vanne waek wórte v'r doeëdgesjmete mit 'n gans nuuj waord: 'treinrukker'. 'n Nuuj versjiensel wo de NS neet ech gelökkig mit woor. Ich kin d'r mich weinig bie veursjtèlle en ich weit neet waem 't haet verzónne mer van det nuuj wäördje leep mich 't water inne móndj. Wie ich 't 'n paar keer veurbie hej zeen kómme, sjpeeldje mich mer ein dink door de kop; dao mótte v'r in 't Limburgs euverhaer. Waat is 't den mekkelik es se 't Waordebook vanne Limburgse dialecten inne kas höbs sjtaon of baeter gezag de waordebeuk; 't zeen d'r mer leefs 39. In 't 31ste vónj ich twieë bladzieje mit mer leefs 63 Limburgse wäörd veur 'masturbere'*.
Ein vanne sjónste vónj ich in Gebrook (Hoensbroek): 'roebele'. Ich hej d'r 'treinroebelieër' van kónne make, mer ómdet ich dao neet ech opgewónje van kós rake, en ómdet v'r ouch veur 'trein' get sjoeën Limburgse wäörd höbbe, sjloog mien fantasie alle kenj op. Zoeë löp in 't zuje van Limburg nag 'n prachtig treinke tösse Kèrkraoj en Sjin op Gäöl; 't mieër es 'n ieëw aod miljoenelienke. 'ne Echte boemeltrein zègk mer. Det wórt al gaw sjpele mit 'roebele' en 'boemele' en 't veuldje haos es klaorkómme wie ich 'roebelboemel' op papier hej sjtaon.
Allè,
Jan Sjure,
reagere: jan.sjure@druimentaere.nl
* Van de Wijngaard HHA, Lubbers MH. Woordenboek van de Limburgse dialecten: III algemene woordenschat, 2 het huiselijk leven, 2 familie en seksualiteit. 2005, Gopher Publishers Utrecht: 163-164.
Vanne waek wórte v'r doeëdgesjmete mit 'n gans nuuj waord: 'treinrukker'. 'n Nuuj versjiensel wo de NS neet ech gelökkig mit woor. Ich kin d'r mich weinig bie veursjtèlle en ich weit neet waem 't haet verzónne mer van det nuuj wäördje leep mich 't water inne móndj. Wie ich 't 'n paar keer veurbie hej zeen kómme, sjpeeldje mich mer ein dink door de kop; dao mótte v'r in 't Limburgs euverhaer. Waat is 't den mekkelik es se 't Waordebook vanne Limburgse dialecten inne kas höbs sjtaon of baeter gezag de waordebeuk; 't zeen d'r mer leefs 39. In 't 31ste vónj ich twieë bladzieje mit mer leefs 63 Limburgse wäörd veur 'masturbere'*.
Ein vanne sjónste vónj ich in Gebrook (Hoensbroek): 'roebele'. Ich hej d'r 'treinroebelieër' van kónne make, mer ómdet ich dao neet ech opgewónje van kós rake, en ómdet v'r ouch veur 'trein' get sjoeën Limburgse wäörd höbbe, sjloog mien fantasie alle kenj op. Zoeë löp in 't zuje van Limburg nag 'n prachtig treinke tösse Kèrkraoj en Sjin op Gäöl; 't mieër es 'n ieëw aod miljoenelienke. 'ne Echte boemeltrein zègk mer. Det wórt al gaw sjpele mit 'roebele' en 'boemele' en 't veuldje haos es klaorkómme wie ich 'roebelboemel' op papier hej sjtaon.
Allè,
Jan Sjure,
reagere: jan.sjure@druimentaere.nl
* Van de Wijngaard HHA, Lubbers MH. Woordenboek van de Limburgse dialecten: III algemene woordenschat, 2 het huiselijk leven, 2 familie en seksualiteit. 2005, Gopher Publishers Utrecht: 163-164.
Deel dit bericht: