terug
Druimentaere
Deel dit bericht:
Saame
DruimentaereEs ózze nuje buusjop disdaag in 'n interview veur de gezèt luuëtj wete gèn dialec te kalle en det op zien 59ste ouch neet mieër geit lieëre, dink ich: boeie. Es ich in die eigeste gezèt mót laeze det de GGD kinjeropvang Humpie Dumpie in Mergraote terech mèntj te mótte wieze ómdet dao te väöl dialec wurtj gekaldj, vraog ich mich aaf waem of waat die GGD in godshieëresnaam is óm zich daomit te meuje. Los daovan, in Humpie Dumpie wurtj gèn dialec gekaldj mer Limburgs, 'n officieel erkindje regionaal taal die conform artikel 55 lid 1 van de wèt kinjeropvang in Humpie Dumpie es voertaal gebroek moog waere*. Ouch wiejer argumente die de GGD opveurtj óm Humpie Dumpie óngeroet te sjoefele, rake kantj noch wal. In plaats van 'ne tik oppe vingers door egaal welke insjtantie, zów Humpie Dumpie 'n veurbeeldjfunctie mótte kriege veur de ganse Limburgse kinjeropvang.
Dónderdig bezóch ich 't Kinjer OLS in Doonder. Es twieë kinjskinjer mitdoon, moogs se dao es gruuëtsje groeëtvader neet óntbraeke. Bie 't defilé van ós basissjoeël lepe mich, óm 'ns 'n sjoeën Mesjtreechs waord te gebroeke, de sjevraoje** euver de rögkesjtrank. Waat 'ne prachtige groep, alles d'rop en d'raan, zoeëgaar de sjappeurs óntbroke neet. Gans terech en diek verdeendj det Lin bie de priesoetreiking versjillendje kere wórt gepreze en in de prieze veel. Proficiat Triangel, proficiat sjötterie mit wietj g'r same Lin in Doonder oppe kaart höbtj wete te zètte.
't Wore aevel neet allemaol vaere tösse de batse dao in Doonder. Veur zoeë'n groeët typisch Limburgs cultureel evenement zów 't in sjtandj haoje van ós Limburgse taal gemeingood mótte zeen. Es mer leefs 9 Baekdaalse sjötterieje same 't OLS organisere, zóws se moge aannumme det d'r dao op z'n mins emes bie is dae 't Limburgs sjrieve ónger de knieje haet. Zeen ich aevel 'Auwwe Limburger' oppe websjtek van 't OLS in Baekdale sjtaon (in plaats van beveurbeeldj 'Aoje', 'Aje', 'Awwe, 'Ouwe' of veur mien paart 'Alde'), den bön ich euvertuugdj van neet. Wie ich dónderdigmörge 'saame veur 't OLS' op de vlagge zoog sjtaon, hej ich veur de organisatie mer eine goje raod. Gaontj 'ns 'n paar waeke same nao Humpie Dumpie. Dao weite ze wie mit ós Limburgs óm te gaon.
Allè,
Jan Sjure,
reagere: jan.sjure@druimentaere.nl
* Convenant inzake de Nederlandse erkenning van de Limburgse taal.
Staatscourant nr. 64467, 27 november 2019.
** 'rillinge'
Dónderdig bezóch ich 't Kinjer OLS in Doonder. Es twieë kinjskinjer mitdoon, moogs se dao es gruuëtsje groeëtvader neet óntbraeke. Bie 't defilé van ós basissjoeël lepe mich, óm 'ns 'n sjoeën Mesjtreechs waord te gebroeke, de sjevraoje** euver de rögkesjtrank. Waat 'ne prachtige groep, alles d'rop en d'raan, zoeëgaar de sjappeurs óntbroke neet. Gans terech en diek verdeendj det Lin bie de priesoetreiking versjillendje kere wórt gepreze en in de prieze veel. Proficiat Triangel, proficiat sjötterie mit wietj g'r same Lin in Doonder oppe kaart höbtj wete te zètte.
't Wore aevel neet allemaol vaere tösse de batse dao in Doonder. Veur zoeë'n groeët typisch Limburgs cultureel evenement zów 't in sjtandj haoje van ós Limburgse taal gemeingood mótte zeen. Es mer leefs 9 Baekdaalse sjötterieje same 't OLS organisere, zóws se moge aannumme det d'r dao op z'n mins emes bie is dae 't Limburgs sjrieve ónger de knieje haet. Zeen ich aevel 'Auwwe Limburger' oppe websjtek van 't OLS in Baekdale sjtaon (in plaats van beveurbeeldj 'Aoje', 'Aje', 'Awwe, 'Ouwe' of veur mien paart 'Alde'), den bön ich euvertuugdj van neet. Wie ich dónderdigmörge 'saame veur 't OLS' op de vlagge zoog sjtaon, hej ich veur de organisatie mer eine goje raod. Gaontj 'ns 'n paar waeke same nao Humpie Dumpie. Dao weite ze wie mit ós Limburgs óm te gaon.
Allè,
Jan Sjure,
reagere: jan.sjure@druimentaere.nl
* Convenant inzake de Nederlandse erkenning van de Limburgse taal.
Staatscourant nr. 64467, 27 november 2019.
** 'rillinge'
Deel dit bericht: