terug
Druimentaere
Deel dit bericht:
Sjtraevelwaord
DruimentaereVergeleke mit de ós ómringendje tale, gaeve 't Nederlands en dus ouch 't Limburgs ós óngeluiflik väöl mieër meugelikheje óm van twieë wäörd 'n nuuj waord te make. Num 'ns 't wäördje 'loupe'. 'Loupgips' is in 't Frans 'plâtre à marcher' en in 't Ingels 'walking cast'. Taege 'n 'loupnaas' zègke de Ingelse 'runny nose', de Franse 'nez qui coule' en de Pruse 'laufende Nase'; 'walking distance', 'distance de marche' of 'zu Fuß erreichbar' is hie geweun 'loupaafsjtandj'.
Diswaek deej ich mit aan 'n toernooi 'sjpel-mit-bel' ('t nao 't Limburgs geadapteerdje jeu-de-boules) in Ech. Naeve de bane hóng 'n groeët sjpandook vanne gemèndje mit zoeë'n samegesjtèldj waord det ich nag noeëts gezeen of gehuuërdj hej: 'klimaatadaptief'. De gemèndje Ech-Zöstere geit 'klimaatadaptieve' maotregele numme. Prachtig toch, 'klimaat' en 'adaptere'; plek ze aanein vas en doe höbs 'n nuuj waord. 'n Nuuj waord aevel det aanleiing woor veur nagal get gesjtraevel; 'n 'sjtraevelwaord' zègk mer. Miene boulespartner vónj 't allemaol harsjtikke dudelik. 't Klimaat verangertj en dus gaon ze d'r in Ech-Zöstere get aan doon. Ich vónj 't allemaol mer 'n niekszègkendj gegaeve wo se alle kenj mit op kóns.
Is 't wèrkklimaat bie 'ne ómreup behuuërlik verzawtj door 'ne grenseuversjriejendje presentator, den zóws se 't óntsjlaag van dae gójje man 'klimaatadaptief' kónne numme. Zelf num ich idderen daag waal get 'klimaatadaptieve maotregele'. Es 't raegentj kin ich mich 'ne raegejas aandoon, 'n paraplu opsjtaeke, de roetewissers aanzètte of de was inhaole. Es ich 't kaod höb, kin ich mich 'ne dieke trui aandoon, de verwerming get hoger zètte of lekker ónger 'n dieke daeke kroepe. Höb ich 't werm den doon ich 't allemaol ómmesang en es de zón den onnag 'ns sjientj, zèt ich mich 'ne zónnebril op, sjmeer mich in mit factor 50 of gaon mich lekker inne sjeem zitte.
Óm 'n lank verhaol kort te haoje, van beidskenj woor ózze adaptatieconcensus wied te zeuke en't sjtraevelwaord heel ós bès nag waal 'n tiedje bezig. Ózze kèrmes laote v'r d'r ós aevel dit waekinj neet door verzawwe.
Allè,
Jan Sjure,
reagere: jan.sjure@druimentaere.nl
Diswaek deej ich mit aan 'n toernooi 'sjpel-mit-bel' ('t nao 't Limburgs geadapteerdje jeu-de-boules) in Ech. Naeve de bane hóng 'n groeët sjpandook vanne gemèndje mit zoeë'n samegesjtèldj waord det ich nag noeëts gezeen of gehuuërdj hej: 'klimaatadaptief'. De gemèndje Ech-Zöstere geit 'klimaatadaptieve' maotregele numme. Prachtig toch, 'klimaat' en 'adaptere'; plek ze aanein vas en doe höbs 'n nuuj waord. 'n Nuuj waord aevel det aanleiing woor veur nagal get gesjtraevel; 'n 'sjtraevelwaord' zègk mer. Miene boulespartner vónj 't allemaol harsjtikke dudelik. 't Klimaat verangertj en dus gaon ze d'r in Ech-Zöstere get aan doon. Ich vónj 't allemaol mer 'n niekszègkendj gegaeve wo se alle kenj mit op kóns.
Is 't wèrkklimaat bie 'ne ómreup behuuërlik verzawtj door 'ne grenseuversjriejendje presentator, den zóws se 't óntsjlaag van dae gójje man 'klimaatadaptief' kónne numme. Zelf num ich idderen daag waal get 'klimaatadaptieve maotregele'. Es 't raegentj kin ich mich 'ne raegejas aandoon, 'n paraplu opsjtaeke, de roetewissers aanzètte of de was inhaole. Es ich 't kaod höb, kin ich mich 'ne dieke trui aandoon, de verwerming get hoger zètte of lekker ónger 'n dieke daeke kroepe. Höb ich 't werm den doon ich 't allemaol ómmesang en es de zón den onnag 'ns sjientj, zèt ich mich 'ne zónnebril op, sjmeer mich in mit factor 50 of gaon mich lekker inne sjeem zitte.
Óm 'n lank verhaol kort te haoje, van beidskenj woor ózze adaptatieconcensus wied te zeuke en't sjtraevelwaord heel ós bès nag waal 'n tiedje bezig. Ózze kèrmes laote v'r d'r ós aevel dit waekinj neet door verzawwe.
Allè,
Jan Sjure,
reagere: jan.sjure@druimentaere.nl
Deel dit bericht: