terug
Druimentaere
Deel dit bericht:
't moog get koste
DruimentaereEs v'r de gegaeves van 't KNMI moge geluive, wore de lèste 365 daag de naatste die v'r hie oeëts gehadj höbbe. Veur 't ieës vanaaf 1900 krege v'r in 365 daag op 'n rie mieër es eine maeter twintjig raege euver ós haer. Volges de Bilt mer leefs 8 procent mieër es de vurrige naatste periode van 'n jaor. De foto van 'n aspergeveldj mit allein mer water tösse de bèdde die dinsdig inne gezèt sjtóng sjprook bookdeile; ós Limburgs goud is neet besjtandj taegen nate puuët.
Jeu-de-boulesclub 't Lèste Tikske oet Lin besjtuit bie lange nao neet zoeë lang es de Biltse sjtatistieke, mer ouch hie wórte v'r die greujendje goodgaefsigheid van Pluvius gewaar. Boule mit in ein handj 'n parapluuj is neet ech mekkelik. Wie döks v'r dus ós boule höbbe mótte aafzègke höb ich neet biegehaoje, 't woor aevel dök. Ich höb godwètjwiedöks mótte oetwieke nao Zitterd wo gesjpeeldj kin waere op mer leefs 13 euverdèkdje bane. Veur de meiste leje van 't Lèste Tikske is zoeë'n oetsjtepke gèn optie en woor 't sjteeds dökker jaomer dus op 'ne vètte aos es 't weer 'ns raegendje. Es v'r de klimatologe moge geluive zal det 'jaomer dus' zich allein mer dökker laote huuëre de kómmendje jaore.
Maondig sjtóng 'n sjtök inne gezèt det mich waal gaajdje. Ónger de kop 'Leefbaarheidsfonds ook voor inwoners' leet zich laeze det de Provincie de kómmendje veer jaor mer leefs 30 miljoen euro besjikbaar sjtèltj veur projecte die 'n biedrage levere aan de laefbaarheid. 30 miljoen te verdeile ónger de einendertig gemèndjes die Limburg nag mer tèltj, bekans ein miljoen per gemèndje; 't moog get koste dus. Per initiatief is € 20.000,- besjikbaar. Bie get veurbeelde van initiatieve wórt es ieëste 'jeu-de-boulesbane' benumdj. Veur 't Lèste Tikske zów det beveurbeeldj 'n euverkapping van de bane oppe Merteshaof kónne zeen.
Meh vanne angere kantj is d'r mit zónne sjmak geldj hieël get mieër meugelik óm de Linder laefbaarheid 'ns duchtig op te krikke. Waat det betruf bön ich benuujdj waat de gemèndje woonsdigaovendj kump vertèlle euver de toekóms van van ós gemeinsjapshoes. Es d'r veur Lin get is waat eindelik 'ns 'n lèste tikske nuuedig haet én get moog koste, den is det 't waal.
Allè,
Jan Sjure,
reagere: jan.sjure@druimentaere.nl
Jeu-de-boulesclub 't Lèste Tikske oet Lin besjtuit bie lange nao neet zoeë lang es de Biltse sjtatistieke, mer ouch hie wórte v'r die greujendje goodgaefsigheid van Pluvius gewaar. Boule mit in ein handj 'n parapluuj is neet ech mekkelik. Wie döks v'r dus ós boule höbbe mótte aafzègke höb ich neet biegehaoje, 't woor aevel dök. Ich höb godwètjwiedöks mótte oetwieke nao Zitterd wo gesjpeeldj kin waere op mer leefs 13 euverdèkdje bane. Veur de meiste leje van 't Lèste Tikske is zoeë'n oetsjtepke gèn optie en woor 't sjteeds dökker jaomer dus op 'ne vètte aos es 't weer 'ns raegendje. Es v'r de klimatologe moge geluive zal det 'jaomer dus' zich allein mer dökker laote huuëre de kómmendje jaore.
Maondig sjtóng 'n sjtök inne gezèt det mich waal gaajdje. Ónger de kop 'Leefbaarheidsfonds ook voor inwoners' leet zich laeze det de Provincie de kómmendje veer jaor mer leefs 30 miljoen euro besjikbaar sjtèltj veur projecte die 'n biedrage levere aan de laefbaarheid. 30 miljoen te verdeile ónger de einendertig gemèndjes die Limburg nag mer tèltj, bekans ein miljoen per gemèndje; 't moog get koste dus. Per initiatief is € 20.000,- besjikbaar. Bie get veurbeelde van initiatieve wórt es ieëste 'jeu-de-boulesbane' benumdj. Veur 't Lèste Tikske zów det beveurbeeldj 'n euverkapping van de bane oppe Merteshaof kónne zeen.
Meh vanne angere kantj is d'r mit zónne sjmak geldj hieël get mieër meugelik óm de Linder laefbaarheid 'ns duchtig op te krikke. Waat det betruf bön ich benuujdj waat de gemèndje woonsdigaovendj kump vertèlle euver de toekóms van van ós gemeinsjapshoes. Es d'r veur Lin get is waat eindelik 'ns 'n lèste tikske nuuedig haet én get moog koste, den is det 't waal.
Allè,
Jan Sjure,
reagere: jan.sjure@druimentaere.nl
Deel dit bericht: