terug
Druimentaere
Deel dit bericht:
't Sjónste Linder waord
DruimentaereEs se get aojer wurs, wils se nag waal 'ns get vergaete waat op zich neet ech 'n probleem is en es se d'r 'n bietje fenistig mit óm wèts te gaon, kins se mit det örges gèn bezej mieër van höbbe, bie gelaeg hie-entaege verrèkdjes henjige sjpuchte, fratse of tuuën oethaole zónger det emes zich dao äörtelik aan zal sjaggernere, euver geit lemmetere of bedoon, zal sjtaon jieëmere of sjterker nag, dich dao laterhaer koum godwètjwaat euver zal naodrage. Óm aevel zeker te zeen det, noe 't jaor op zien inj löp, get waat ich in januari al aangekondigdj hej, neet zów vergaete, sjtóng veur vandaag ' 't sjónste Linder waord' in miene agenda.
Es g'r de ieëste zin, ofwaal de ieëste tachtig wäörd van dizze 'druimentaere' twieë of mesjien waal drie kieër höbtj mótte laeze, den truuësj uch; ich höb det zeker 'ne kieër of zès, zeve of nag dökker gedaon veur ich die zin op papier hej. Ich wól d'r zoeëväöl meugelik sjoeën mer veural bekans vergaete Linder wäörd in opnumme.
Begin januari sjreef ich hie det 't sjoeën zów zeen óm aan 't inj van dit jaor 't 'sjónste Linder waord' te gaon keze. Es g'r nag 'n sjoeën Lins waord kintj wovan g'r dinktj: "det gaon ich nominere", sjtuurtj mich veur de kersdaag 'n e-pöske en in de 'druimentaere' van 28 december zal ich d'rop trökkómme. De inzender van 't sjónste waord moog zich dit jaor nag 'n gratis exemplaar van 'de taal van Lin: ónger ós gezag en gezjwege'* kómme aafhaole.
Óm uch al get op te werme hie get veurbeeldje van sjoeën Lins det gaondjeweg allein nag mer in 'n gezjwege vorm bekindj is: 'ne bragkelieër, 't mient en 't dient, kuuësper, lèsaan, op bervese veut, riejere, repkedepuuë, piezewiete, nuuëtelik, krangs, gepaerskeuteldj, mörg of kwepsj, mómmegek, baeterder, mienetwaege, sjegkedek, luuëter, intrintj, semares, innegank, ieëwigsmoos, kammezäölke, zoepniekel, wölleboeëne, 'n hötje sjepeng of 'n sjpier poor.
Natuurlik sjtaon al die juweelkes mit 'n oetgebrèdje verklaoring en riekelik geïllustreerdj in 't waordebook van Lin wovan de derdje drök nag altied te koup is*.
Allè,
Jan Sjure,
reagere (of 't waordebook besjtèlle): jan.sjure@druimentaere.nl
* Sjure J. De taal van Lin: ónger ós gezag en gezjwege. Limburger.nl/mijnboek 2021:
de derdje drök (470 bladzieje) is te koup veur € 54,95.
Es g'r de ieëste zin, ofwaal de ieëste tachtig wäörd van dizze 'druimentaere' twieë of mesjien waal drie kieër höbtj mótte laeze, den truuësj uch; ich höb det zeker 'ne kieër of zès, zeve of nag dökker gedaon veur ich die zin op papier hej. Ich wól d'r zoeëväöl meugelik sjoeën mer veural bekans vergaete Linder wäörd in opnumme.
Begin januari sjreef ich hie det 't sjoeën zów zeen óm aan 't inj van dit jaor 't 'sjónste Linder waord' te gaon keze. Es g'r nag 'n sjoeën Lins waord kintj wovan g'r dinktj: "det gaon ich nominere", sjtuurtj mich veur de kersdaag 'n e-pöske en in de 'druimentaere' van 28 december zal ich d'rop trökkómme. De inzender van 't sjónste waord moog zich dit jaor nag 'n gratis exemplaar van 'de taal van Lin: ónger ós gezag en gezjwege'* kómme aafhaole.
Óm uch al get op te werme hie get veurbeeldje van sjoeën Lins det gaondjeweg allein nag mer in 'n gezjwege vorm bekindj is: 'ne bragkelieër, 't mient en 't dient, kuuësper, lèsaan, op bervese veut, riejere, repkedepuuë, piezewiete, nuuëtelik, krangs, gepaerskeuteldj, mörg of kwepsj, mómmegek, baeterder, mienetwaege, sjegkedek, luuëter, intrintj, semares, innegank, ieëwigsmoos, kammezäölke, zoepniekel, wölleboeëne, 'n hötje sjepeng of 'n sjpier poor.
Natuurlik sjtaon al die juweelkes mit 'n oetgebrèdje verklaoring en riekelik geïllustreerdj in 't waordebook van Lin wovan de derdje drök nag altied te koup is*.
Allè,
Jan Sjure,
reagere (of 't waordebook besjtèlle): jan.sjure@druimentaere.nl
* Sjure J. De taal van Lin: ónger ós gezag en gezjwege. Limburger.nl/mijnboek 2021:
de derdje drök (470 bladzieje) is te koup veur € 54,95.
Deel dit bericht: