terug
Druimentaere
Deel dit bericht:
Vètte dinsdig
DruimentaereWiewaal v'r al waeke geamuseerdj waere mit godwètjwaat d'r inne loup vanne jaore zoeëal bie verzónne is, is 't toch dinsdig pas ech 'vaste aovendj'. In d'n tied v'r nag gèn keulkes of deepvrezers hejje en op asgoonsdig 't groeëte vaste begós, mós daen dinsdig alles waat vieërtig daag neet gegaete móch waere nag sjnel verkammezäöldj waere. Ós Limburgse euver- euvergroeëtaojers nómte daen daag den ouch hieël toepasselik 'vètte dinsdig'. De naam koom van 't Frans; 'mardi gras' wórt letterlik vertaaldj. Op 'n inkel plaats wurtj 't nag gevierdj. Ich höb oeëts zónne ónvergaetelike 'mardi gras' mit moge make in 't Amerikaanse 'Nuuj Orléans'.
't Wurtj dao al gevierdj vanaaf óngevieër 1700 en wo la Nouvelle-Orléans gaondjewaeges New Orleans wórt, haet 'fat tuesday' 't noeëts gehaold. De aodste filmbeeldje van dae 'mardi gras' zeen gedrejdj op 22 februari 1898. 'ne Daag dae, net wie dae eine kieër det ich 'm móch mitmake, neet gans toevallig op 'ne dinsdig veel. Waat hej ich róndj die ieëwwisseling op zónne vètte dinsdig 'ns gaer door 't daentiedse Lin getaffeldj. In alle óngevieër 30 café's die ós Lin doe tèldje*, zów 't d'r bès waal 'ns sjtevig geraoke kónne höbbe nao waem wètj wieväöl gebraoje zieje sjpek gemingdj mit kermenaajse en balkebriese baklóch. Alles mós dus op veurdet óm twelf oer 't groeëte vaste begós. Dae vètte dinsdig, waat 'n fieës, waat 'ne 'vaste aovendj'.
Wie anges is 't allewiel? Es ich alle fieëste die zich in en róntjelóm Lin vanaaf 11 november ónger de neumer 'vastelaovendj' aafsjpele en al aafgesjpeeld höbbe op 'n rie zów zètte, hej ich aan dees bladzie neet genóg. Kómmendje dinsdig höbbe v'r hie den waal nag 'n poetebal en 'ne kwekkert verbranje, 't haet aevel nieks mieër van doon mit dae 'vètte dinsdig' womit 't hie oeëts 'ns is begósj. 'ne 'Vètte dinsdig' wurtj volges mich nörges in Limburg mieër gevierdj.
Ich gaon 'ns get aan die vergaete traditie doon, d'r 'ne jäörlikse 'vaste aovendj' van make. Dinsdigaovendj sjtaon bie mich twieë panne oppe sjtoof, de ein mit 'n zie sjpek, de anger mit balkebrie en det alles gelardeerdj mit get zjwartbroeëd. Ich verheug mich op veurhandj al op miene 'vèt coole dinsdig'.
Allè; 'n sjoeëne 'vaste(l)aovendj',
Jan Sjure.
...es g'r wiltj reagere: jan.sjure@druimentaere.nl.
*..Theunissen R. Een kroegentocht door vóóroorlogs Linne. Roerstreek '92; 24: 12-16.
't Wurtj dao al gevierdj vanaaf óngevieër 1700 en wo la Nouvelle-Orléans gaondjewaeges New Orleans wórt, haet 'fat tuesday' 't noeëts gehaold. De aodste filmbeeldje van dae 'mardi gras' zeen gedrejdj op 22 februari 1898. 'ne Daag dae, net wie dae eine kieër det ich 'm móch mitmake, neet gans toevallig op 'ne dinsdig veel. Waat hej ich róndj die ieëwwisseling op zónne vètte dinsdig 'ns gaer door 't daentiedse Lin getaffeldj. In alle óngevieër 30 café's die ós Lin doe tèldje*, zów 't d'r bès waal 'ns sjtevig geraoke kónne höbbe nao waem wètj wieväöl gebraoje zieje sjpek gemingdj mit kermenaajse en balkebriese baklóch. Alles mós dus op veurdet óm twelf oer 't groeëte vaste begós. Dae vètte dinsdig, waat 'n fieës, waat 'ne 'vaste aovendj'.
Wie anges is 't allewiel? Es ich alle fieëste die zich in en róntjelóm Lin vanaaf 11 november ónger de neumer 'vastelaovendj' aafsjpele en al aafgesjpeeld höbbe op 'n rie zów zètte, hej ich aan dees bladzie neet genóg. Kómmendje dinsdig höbbe v'r hie den waal nag 'n poetebal en 'ne kwekkert verbranje, 't haet aevel nieks mieër van doon mit dae 'vètte dinsdig' womit 't hie oeëts 'ns is begósj. 'ne 'Vètte dinsdig' wurtj volges mich nörges in Limburg mieër gevierdj.
Ich gaon 'ns get aan die vergaete traditie doon, d'r 'ne jäörlikse 'vaste aovendj' van make. Dinsdigaovendj sjtaon bie mich twieë panne oppe sjtoof, de ein mit 'n zie sjpek, de anger mit balkebrie en det alles gelardeerdj mit get zjwartbroeëd. Ich verheug mich op veurhandj al op miene 'vèt coole dinsdig'.
Allè; 'n sjoeëne 'vaste(l)aovendj',
Jan Sjure.
...es g'r wiltj reagere: jan.sjure@druimentaere.nl.
*..Theunissen R. Een kroegentocht door vóóroorlogs Linne. Roerstreek '92; 24: 12-16.
Deel dit bericht: