terug
Druimentaere
Deel dit bericht:
Volkómme óngerkómme
DruimentaereVeur mich woor, is en zal 't waarsjienlik de res van mien laeve 't sjónste sjtökske Lin blieve. Wie d'n daag van ieëgister herinner ich mich de oere die ich d'r, en op miene laeftied moogs se det zègke, vreuger doorgebrach höb. Wie v'r nag kóste sjpele in waat veur d'n oorlog 'ne prachtige villa mót zeen gewaes. Wie v'r nag euver 'n iezere brökske nao de Baek kóste, wie de kesjtaanjele en de doe nag riekelik gevuldje beukeneutjes d'r veur 't oprape loge. Wie de baek nag vol vès zoot. Wie v'r ós dao in gooj wintjers houte Friese doorluipers óngerbónje. Wie v'r op 'ne werme zomeraovendj tösse hóngerdje vuurvleegskes nao villa Bethula lepe óm nao Sjnieëwitje te gaon kieke.
Get jaore later wanjeldje ich d'r mit versjillendje leefdjes en leet gruuëtsj zeen wie sjoeën ós Lin waal neet woor. Weer get later leep ich d'r mit kinjer en kinjskinjer en vertèldje euver tieje wo ich van häör laeftieje woor. De lèste waeke woor ich d'r weer dök te vinje. D'n hóndj kós neet mit op vakantie en wo is dae sjónder oet te laote es wo ieëwigsväöl herinneringe ligke. Mer bie 't benkske mit oetzich op waat oeëts 'ns 'n prachtige Aoj Maas woor, mós se noe zeuke nao waat oeëts 'ns 'ne vruntjelik nuuëjendje ingang woor. Dae ligk noe good versjtaoke tösse get welig tierendje sjtruuk te sjmeke óm aan 'm langs te gaon. Höbs se dao aevel gèn oeëre haer en de sjtum van herinneringe reup net 'n bietje helder, sjravels se dich d'r geweun doorhaer.
Sjravelentaere geit 't nag amper. Ich kin mich veursjtèlle det veur de biodiversiteit neet alles d'r bie hoof te ligke es 'n good óngerhaoje häöfke, mer dit geit 'n brökske te wied. Ómgevalle of ómgezaegdje buim blieve ligke en same mit al waat wiejer bleujtj en greujtj make ze van wanjelpajer sjravelpaedjes. De hóndj vintj 't prachtig en laef zich oet, net wie óngetwiefeldj die miljarde wörm, kevers, mögke, sjummels, paddesjteul, bacterieje en waat zich al neet mieër aan det rottendj hout tegooj duit. 't Liek allemaol volkómme óngerkómme mer 'n bietje minder volkómme zów ós sjónste sjtökske Lin veur idderein weer volkómme toegankelik make. Zoeëgaar veur de luuj die get minder volkómme good ónger de veut oet kónne.
Allè,
Jan Sjure,
reagere: jan.sjure@druimentaere.nl
Get jaore later wanjeldje ich d'r mit versjillendje leefdjes en leet gruuëtsj zeen wie sjoeën ós Lin waal neet woor. Weer get later leep ich d'r mit kinjer en kinjskinjer en vertèldje euver tieje wo ich van häör laeftieje woor. De lèste waeke woor ich d'r weer dök te vinje. D'n hóndj kós neet mit op vakantie en wo is dae sjónder oet te laote es wo ieëwigsväöl herinneringe ligke. Mer bie 't benkske mit oetzich op waat oeëts 'ns 'n prachtige Aoj Maas woor, mós se noe zeuke nao waat oeëts 'ns 'ne vruntjelik nuuëjendje ingang woor. Dae ligk noe good versjtaoke tösse get welig tierendje sjtruuk te sjmeke óm aan 'm langs te gaon. Höbs se dao aevel gèn oeëre haer en de sjtum van herinneringe reup net 'n bietje helder, sjravels se dich d'r geweun doorhaer.
Sjravelentaere geit 't nag amper. Ich kin mich veursjtèlle det veur de biodiversiteit neet alles d'r bie hoof te ligke es 'n good óngerhaoje häöfke, mer dit geit 'n brökske te wied. Ómgevalle of ómgezaegdje buim blieve ligke en same mit al waat wiejer bleujtj en greujtj make ze van wanjelpajer sjravelpaedjes. De hóndj vintj 't prachtig en laef zich oet, net wie óngetwiefeldj die miljarde wörm, kevers, mögke, sjummels, paddesjteul, bacterieje en waat zich al neet mieër aan det rottendj hout tegooj duit. 't Liek allemaol volkómme óngerkómme mer 'n bietje minder volkómme zów ós sjónste sjtökske Lin veur idderein weer volkómme toegankelik make. Zoeëgaar veur de luuj die get minder volkómme good ónger de veut oet kónne.
Allè,
Jan Sjure,
reagere: jan.sjure@druimentaere.nl
Deel dit bericht: